Бајден ја продолжи важноста на уредбата за вонредна состојба на Западен Балкан

Американскиот претседател Бајден ја продолжи важноста на уредбата за вонредна состојба на Западен Балкан.

Актите на екстремистичко насилство и активност на опструкција, како и ситуацијата на Западен Балкан, која го попречува напредокот кон ефективно и демократско владеење и целосна интеграција во трансатлантските институции, наведени во овие извршни наредби, продолжуваат да претставуваат невообичаена и вонредна закана за националната безбедност и надворешната политика на САД, вели Бајден во пораката до Конгресот, објавена на веб-страницата на Белата куќа.