Ќе се ревидира позитивната листа на лекови
На заедничкиот состанок на премиерот Ковачевски со здравствените авторитети, е констатирано – здравствен приоритет на Владата е деблокирањето на процесот на воведување на нови лекови на листа на лекови, кои паѓаат на товар на Фондот за здравствено осигурување...

На заедничкиот состанок на премиерот Ковачевски со здравствените авторитети, е констатирано – здравствен приоритет на Владата е деблокирањето на процесот на воведување на нови лекови на листа на лекови кои паѓаат на товар на Фондот за здравствено осигурување.
На средбата било потенцирано дека листата на лекови кои паѓаат на товар на Фондот за здравствено осигурување не е ажурирана веќе 15 години и дека е неопходно да се прочисти, а лековите кои се застарени да се сменат со нови без при тоа да има финансиски импликации врз буџетот, во исто време додека се бараат начини за воведување на иновативни лекови.
Во таа насока, министерот за здравство Фатмир Меџити, на средбата истакнал дека веќе следната недела се очекува да се формира Комисија за позитивната листа, којашто поскоро треба да најде решение за прочистување на листата и нејзино дополнување со нови лекови.
