ФИФА: Првото Светско клупско првенство ќе се одржи во САД

Светската фудбалска федерација, ФИФА објави дека првото Светско клупско првенство со 32 екипи ќе се одржи во САД.

Тоа е планирано за летото 2025 година откако клубовите ќе ја завршат старата и ќе се подготвуваат за новата сезона. Веста ја потврди претседателот на ФИФА, Џани Инфантино.Светското клупско првенство ќе се одржува и една година пред Мундијалот во САД, Мексико и Канада кој ќе биде првиот со 48 репрезентации.

Планирано е да учествуваат 12 екипи од Европа, шест од Јужна Америка и по четири од Азија, Африка и Средна/Сверна Америка, една од Океанија и домаќинот.