Парламентарни избори во Грција

Втор круг од парламентарните избори во Грција. Гласачките места се отворени од 7 до 19 часот кога се очекуваат и првите резултати.

Според анкетите, се предвидува триумф на конзервативната партија која владее во последните четири години. 55-годишниот Мицотакис и Нова демократија добија најголема поддршка во мај, но не успеаја да освојат доволен број пратенички места за да формираат влада.

Негов најголем ривал е Алексис Ципрас од Левичарската Сириза кој беше премиер од 2015 до 2019 година. Над 9 милиони и 800 илјади граѓани имаат право на глас. Процесот се одвива во 21.643 центри.