Нова демократија победи во вториот круг

Нова демократија на Кирјакос Мицотакис останува на власт уште четири години. Конзервативецот добива втор мандат откако во вториот круг на парламентарните избори освоија 40,5%, односно 158 пратенички места од вкупно 300.

Зад Нова демократија се пласираше левичарската Сириза предводена од поранешниот премиер Алексис Ципрас со разлика од околу 20%. Партијата на Спартанците, која е против доселувањето и мигрантите, доби 4,7 проценти од гласовите, или 13 места во грчкиот парламент.