Муслиу нов фудбалер на германски Падерборн

Репрезентативецот Висар Муслиу кариерата ќе ја продолжи во Падерборн, соопшти денеска германскиот второлигаш.

28- годишниот Муслиу се пресели во членот на Втората Бундеслига од редовите на третолигашот Инголштад, чиј дрес го носеше изминатите 18 месеци.

Висар е во своите најдобри фудбалски години и поседува одлична комбинација од искуство и физички предиспозиции што е особено важно на позицијата централен дефанзивец на која игра, изјави за клупскиот сајт спортскиот директор на Падерборн, Бенџамин Вебер.

Муслиу во кариерата претходно настапуваше за Ренова, Вардар, Шкендија и Фехервар.

Фото: ФФМ