Истражување

Маргинализираните групи имаат проблем да ги остварат своите права, покажало истражување поддржано од ЕУ

27.06.2023 14:08

Во земјава правдата е привилегија за една група граѓани, маргинализираните групи имаат проблем да ги остварат своите права, покажало истражување поддржано од ЕУ. Жителите во руралните средини, Ромите, корисниците на дрога, сексуалните работнички имаат проблем да ги остварат основните човекови права, пристап до здравствена заштита на пример...

Правдата е привилегија само за некои. Маргинализираните групи имаат отежнат пристап до здравствена, правна помош, покажало истражување на граѓанскиот сектор. Лицата коишто употребѕваат наркотици имаат проблем да добијат здравствена заштита, како и лекување од зависности.

И сексуалните работнички и работници имаат отежнат пристап до здравствена заштита и вадење на лични документи. Добиваат несоодветен пристап и третман од страна на институциите, особено од полицијата.

Довербата на граѓаните од маргинализираните групи во институциите е многу ниска, мора да се работи на зајакнување на довербата.

Седумдесет проценти од испитаниците имаат негативен став кон правосудниот систем, но и покрај тоа една третина од испитаниците ги сметаат судовите за важен механизам за обичните луѓе да ги остварат своите права.

 

Наташа Јанчиќ Менковски