Концерт на „Нокаут“ за роденденот на Општина Кисела Вода

Тече роденденската седмица на Општина Кисела Вода, најстарата скопска општина која во четврток ќе го одбележи својот 68-ми роденден. По тој повод од општината најавуваат дека ќе има низа случувања, дел со инфраструктурен карактер, како продолжение на бројните проекти кои секојдневно ги промовира градоначалниот Ѓорѓиевски. Еден дел ќе бидат посветени на свечената седница и наградите на заслужните жители кои таму ке се доделат, а секако дел ќе бидат посветени и на културата, музиката и забавата.

Сакаме да ги повикаме сите граѓани од Кисела Вода, но и сите оние од другите општини и градови, кои сакат да поминат убава вечер и да бидат дел од манифестацијата „68 години Кисела Вода-бескрајна приказна која станува сè подобра!“, велат од Општината.

После хуманитарната „Коријада“ во паркот Шопен, сите да се упатат пред салата Расадник! Од 18 часот ќе има Битка на бендови, а од 21 часот, во вечерната програма, најпрво атмосферата ја загрева DJ Mats, за веднаш по него, од 22 часот, голем концерт да одржи групата Нокаут, која и самата испиша историја во македонската музика, годинава просавувајќи 25 години на сцената. Најавуваме одлична журка за сите возрасти- соопштуваат од Општина Кисела Вода.