Опозициската ВМРО-ДПМНЕ ја напушти пленарната сала за време на пратеничките прашања
Денеска во Собранието седница на пратенички прашања. Правите театар и не одговарате на клучни прашања, обвини опозицијата и ја напушти пленарната сала. Владините претставници одговараат само на прашањата на пратениците од владејачкото мнозинство...

За време на пратеничките прашања препукување, лични навреди меѓу опозициските пратеници и власта. Во фокусот внукот бизнисмен на Али Ахмети, јавниот обвинител и струшкиот градоначалник Мерко и нивните оставки. Може ли 24-годишно момче да врти милионски бизниси и дали институциите ќе го проверат потеклото на парите. Од говорницата кажано дека Али Ахмети ќе пере пари преку деловниот центар „Соравија“.
Од говорницата изнесени и навреди за кои Ковачевски побара извинување. Топката и одговорите во однос на ДУИ ги презема министерот за правда.
Пратеничките прашања испреплетени со процедурални забелешки и обвинувања кој го крши Деловникот за работа.
Миле Ристески
