Комбинација од магдонос и сок од лимон за детоксикација на бубрезите

Комбинирајќи малку магдонос со сок од лимон, се добива прекрасна мешавина за детоксикација на бубрезите. Овој пијалак содржи многу витамини што ќе ви даде енергија и ќе ви помогне доколку страдате од анемија. За овој пијалак потребни се 5-6 сварени гранчиња од магдонос и сок од лимон. Може да се пие трипати на ден еднаш до двапати неделно. Овој пијалак ќе го подобри варењето и ќе ги детоксицира бубрезите.

Магдоносот е многу моќен антиоксиданс што може да помогне во обновување на клетките и да ја олесни работата на бубрезите. Богат е со минерали кои ги одржуваат бубрезите здрави со елиминирање на токсините и мастите акумулирани во нив и е одличен диуретик, што му помага на телото природно да ги елиминира вишокот наталожени течности.

Сокот од лимон е богат со витамини Ц и Б кои се многу важни за зајакнување и грижа за крвните садови во бубрезите, спречување на висок крвен притисок и, се разбира, чистење на телото. Лимоните имаат мала содржина на натриум, но се полни со калиум, што е идеално за бубрезите. Многу лекари препорачуваат да се замени солта со сок од лимон.