СДСМ: Неспособните градоначалници на ДПМНЕ во Скопје се соучесници во хаосот со ѓубрето

Неспособната локална власт на ДПМНЕ во Скопје создаде досега невиден хаос, градот се дави во ѓубре. Одговорноста за хаосот е кај Мицкоски и кадрите на ДПМНЕ во Скопје, реагираат од СДСМ.

Неспособните градоначалници на ДПМНЕ во Скопје, со својата неработа и негрижа за потребите на граѓаните се директни соучесници во хаосот со ѓубрето и во нефункционирањето на локалните претпријатија, велат од партијата.

Истите оние кои ја поддржуваа Арсовска во кампањата, кои заедно со Мицкоски бараа глас од скопјани за неа и за ДПМНЕ, заедно ги создадоа проблемите во Скопје. Секогаш кога ќе добие глас од граѓаните ДПМНЕ се случува хаос и уназадување.

Наместо модерно Скопје граѓаните добија загаден град во кој не функционира ниту јавен превоз, ниту што било друго. Неработа, неспособност и раце во медот, тоа се одликите на градоначалниците на ДПМНЕ и на Мицкоски, стои во соопштението од СДСМ.