Гервала одговори на критиките: Јас не сум портпарол на ЕУ, туку министер во косовската влада

Министерката за надворешни работи на Косово, Доника Гервала, одговори на критиките што следеа по нејзината изјава дека ЕУ без САД и НАТО е „хартиен тигар“ на безбедносен план.

Рече оти таа не е портпаролка на Европската унија, туку дека фанатично ја брани вистината и интересите на Косово. На социјалните мрежи праша што не е точно од она што таа го кажа.

Опозициските партии во Косово претходно изјавија дека говорот на Гервала е неодговорен и измешан со мегаломанија и незнаење.