Шестата демирхисарска летна школа годинава во духот на историјата на уметноста
Шестата демирхисарска летна школа годинава работи во духот на одбележувањето на значајни јубилеи од аспект на историјата на уметноста. Како една од поважните придобивки е систематското бележење на ракописите од дневните богослужби. Годинешнава школа е поделена на претпладневно истражување и попладневни стручни собири...
Со веќе воспоставениот концепт но и тематско проширување на некои секции тече шестата демирхисарска летна школа. Таа годинава покрај истражувачки активности има и стручни дискусии кој се насочени кон одбележување на значајни јубилеи од аспект на историјата на уметноста.
Како нови придобивки на школата се деталното архитектонско снимање и проучувањето на сите фази на фрескоживописот и иконописот. Посебен акцент се става на систематското дигитално бележење на записите од богослужбите.
„Тука е и синаксарот на слепчанскиот манастир. Ако посветеноста на сестринството ќе значи постепено возобнување на старата слепчанска школа, истражувачката дејност преку трите досега меѓународни симпозиуми и публикациите треба да бидат алатки во докажувањето на нашето битие“, изјави проф. д-р Саша Цветковски, научен раководител на школата.
Инаку по традиција летната школа започна на „Иванден“ а ќе се затвори на „Петровден“.
Стевче Митревски