Општи препораки за заштита од топлото време

Високите температури влијаат негативно на здравјето на луѓето, ја влошуваат состојбата кај лицата кои страдаат од кардиоваскуларни болести, респираторни болести. Можат да се јават и акутни ефекти како резултат на изложеност на високи температури, како што се сончаница, топлотен удар, топлотни грчеви, функционални нарушувања на централниот нервен систем и други.

Потребно е внесување големо количество течност, најдобро обична вода за пиење. Да се одбегнуваат алкохолни пијалаци и пијалаци кои содржат кофеин.

За време на најтоплиот период во денот (од 10 до 17 ч.) треба да се избегнува напорна физичка активност, вклучувајќи и спорт и рекреативни активности.

Носете светла и лесна облека, бидејќи светлите бои ја рефлектираат светлината, а при директна изложеност на сонце, потребно е да се носат заштитни очила и капа.

Задолжително да се мијат земјоделско-градинарските производи поради зголемена можност од појава на труења со храна и цревни заразни заболувања. Да се избегнува мрсна и високо – калорична храна, како и храна која содржи поголемо количество шеќер.

Потребно е внесување големо количество течност, најдобро обична вода за пиење. Да се одбегнуваат алкохолни пијалаци и пијалаци кои содржат кофеин.