Ковачевски - Калас: Продолжува соработката меѓу Северна Македонија и Естонија
Како што соопштуваат од владината прес- служба, двајцата премиери констатираа дека односите меѓу Северна Македонија и Естонија се традиционално добри и пријателски, проследени со континуиран и развиен политички дијалог.
Премиерот Ковачевски, денеска во Вилнус, се сретна со премиерката на Естонија, Каја Калас. На средбата присуствуваше и министерот за надворешни работи на Северна Македонија, Бујар Османи.
Како што соопштуваат од владината прес- служба, двајцата премиери констатираа дека односите меѓу Северна Македонија и Естонија се традиционално добри и пријателски, проследени со континуиран и развиен политички дијалог.
Премиерот Ковачевски се заблагодари за силната и континуирана естонска поддршка на македонскиот евроинтегративен пат.
На средбата се разговараше и за теми од дневен ред на Самитот на НАТО, како и на претседавањето на Северна Македонија со ОБСЕ.
Ковачевски се заблагодари на естонската премиерка Калас за поддршката која Естонија ја дава за нашите проритети како земја претседавач со ОБСЕ и истакна дека Северна Македонија, како и досега во рамки на престедавањето со Организацијата, ќе продолжи да вложува напори да ја подобри координацијата и ќе се залага за заедничко спроведување на активности како предуслов за позитивни промени во ОБСЕ, стои во соопштението од Владата.