„Moneyval“: Македонија дополнително да ги зајакне мерките за борба против перењето пари

Телото за спречување на перење пари на Советот на Европа ги повикува властите во Северна Македонија дополнително да ги зајакнат мерките за борба против перењето пари, финансирањето на тероризмот и финансирањето на ширењето, особено во областа на истрагата и обвинителството.

„Moneyval“ заклучува дека, откако ја зајакна својата правна рамка од последната меѓусебна евалуација, Северна Македонија ги постави темелите за здрав режим за справување со перење пари и финансирање тероризам, но треба да го подобри спроведувањето на мерките во неколку области. Извештајот препорачува властите да го подобрат нивното разбирање за ризиците што ги носат правните лица, казината и неформалната економија и повикува на подлабока проценка на влијанието врз интегритетот во судството и гонењето.

Иако се постигнати скромни резултати во однос на истрагите и гонењето за перење пари, органите на прогонот и обвинителите треба систематски да спроведуваат паралелни финансиски истраги и да се насочат кон посложени случаи што вклучува организиран криминал, особено трговија со дрога и трговија со луѓе, како и даночно затајување и корупцијата.

„Moneyval“ исто така ги повикува властите систематски да го применуваат принципот „следи ги парите“ за да се подобрат нивоата на конфискација.