Денес се очекува да почне увидот по пожарот во Основниот суд Куманово

Се очекува да почне увидот во опожарените подрумски простории каде е сместена архивата на Кумановскиот суд, за точно да се утврди дали електричната инсталација беше причина за пожарот кој изби пред два дена.

Увидот беше одложен бидејќи противпожарните служби сугерираа дека сè уште не е безбедно. При вршењето на увидната постапка предвидено е да учествува и дежурен обвинител од Кумановското обвинителство, но ќе има и од Скопското, за да се одбегне судир на интереси, бидејќи Кумановското обвинителство е сместено во истата зграда.

По увидот ќе се знае и колкава е причинетата штета.