СДСМ: Неспособните градоначалници на ДПМНЕ го вратија Скопје 60 години назад
Довербата којашто скопјани им ја дадоа на Мицкоски, ДПМНЕ и нивните градоначалници, ја изневерија целосно. Хаосот во Скопје потврди, глас за ДПМНЕ е глас за враќање назад, велат од партијата.
Неспособните градоначалници на ДПМНЕ од Скопје создадоа една голема депонија, нечист и нефункционален град кој се уназадува, наместо да напредува. Ниту „м“ од модерно Скопје како што ветуваа пред скопјани кога ја бараа довербата. Неспособните градоначалници на ДПМНЕ го вратија Скопје назад за 60 години, соопштуваат од СДСМ.
Довербата којашто скопјани им ја дадоа на Мицкоски, ДПМНЕ и нивните градоначалници, ја изневерија целосно. Хаосот во Скопје потврди, глас за ДПМНЕ е глас за враќање назад, велат од партијата.
Не е само сметот и нечистотијата. Јавниот превоз во Скопје исто така не функционира. Ветувањата за набавка на нови 250 еколошки автобуси, за бесплатен превоз, за модерен транспорт, фабрика за автобуси не се остварија.
Не се реализира ниту еден проект во градот а проектите од минатата локална власт на СДСМ стојат закочени. Градоначалниците на ДПМНЕ во Скопје, а помеѓу нив и Орце Ѓорѓиевски се дел од проблемот во градот и ниту еден од нив не може да побегне од одговорноста за хаосот што го направија, стои во соопштението од СДСМ.