22-ро издание на европскиот филмски фестивал „Синедејс“
„Муви најт“ е слоганот на годинашното издание на фестивалот, а ќе се одржува на три локации: паркот зад МКЦ, киното Фросина и летното кино во Кинотеката. Ќе се прикажат над 40 филмови и ќе има над 50 гости.
Фестивалот на европски филм Синедејс почнува вечерва. Отворањето и затворањето на 22-то издание на фестивалот е резервирано за премиери на македонските филмови „М“ на Вардан Тозија, односно првиот долгометражен филм на филм на Гоце Цветановски „Бизнисот на задоволството“.
„Муви најт“ е слоганот на годинашното издание на фестивалот, а ќе се одржува на три локации: паркот зад МКЦ, киното Фросина и летното кино во Кинотеката. Ќе се прикажат над 40 филмови и ќе има над 50 гости.
„Во компактната програма ќе погледнеме наслови на Вим Вендерс, Кен Лоуч, Нани Морети, Аки Каурисмаки, Франсоа Озон, Александар Сокуров…, потоа новиот филм на Горан Столевски, а имаме и премиери на пет македонски кратки филмови“, вели Маргарита Арсова, програмска координаторка на „Синедејс“.
Во рамките на музичката програма ќе настапат „Културно-уметнички работници“, Педро Кастиљо и белградскиот експериментален бенд „Визељ“.