Студенти волонтери од САД, Канада и Кина работат на летната школа за археологија во локалитетот Стоби
Летната школа за археологија работи на објектот „Затвор“ во античкиот локалитет Стоби. Се истражува неговата намена. На летната школа за археологија работата 19 студенти од САД, Канада и Кина...
Во античкиот локалитет Стоби во тек е 11 сезона од Меѓународната школа за археологија. Оваа година, археолошките истражувања се одвиваат со учество на 19 студенти и волонтери од САД, Канада и Кина. Активностите се фокусирани на објектот наречен „Затвор“, чија намена и хронологија се непознати, како и на уште две куќи кои биле прилепени на неговите ѕидови во 6-от век.
Преку директна теренска работа, учесниците ги учат основни методи на археолошки ископувања и документација. Програмата вклучува и предавања на различни теми, поврзани со истражувањата во Стоби, а ќе бидат реализирани и едукативни екскурзии во Охрид, Битола и Скопје.
Студентите работат четири седмици, ангажирани се преку Фондацијата Балканско наследство, која е партнер на НУ Стоби.
Меѓународната школа за археологија завршува кон крајот на месецов.
Петар Печков