Вонреден надзор во битолската болница
По вчерашниот случај со мртвороденото бебе во Битолската клиничка болница, инспектори на Државен здравствен и санитарен инспекторат, на увид во гинеколошкото одделение. Кај директорката Елизабета Ивановска не постои голема загриженост, затоа што е убедена дека докторите од болницата ги испочитувале сите протоколи. Семејството на родилката, нема забелешки за случајот и е благодарно што родилката останала жива. Ова е четврто нејзино породување, иако, после третата бременост кога ја доживеала истата судбина, не смеела да забременува...
Државниот здравствен и санитарен инспекторат го чешла работењето на битолското гинеколошко одделение. За да се утврдат причините за мртвороденото бебе на родилката со неконтролирана бременост. Детали не се откриваат, директорката Ивановска потврди, тимот специјалисти веќе врши увид.
„Денес беше пуштен Државниот здравствен и санитарен, надзорот е сè уште во тек и не е завршен“, изјави Елизабета Ивановска директор на Битолската клиничка болница.
Ивановска вели дека лекарите не направиле пропуст при лекувањето, а дека ги почитувале вообичаените протоколи потврдиле и родителите.
„Родилката е многу задоволна од самиот третман и од професионалноста на целиот тим којшто беше на извршување на царски рез, таа не требало и да остане бремена после третото мртвородено“, додаде Ивановска.
Станува збор за 21 годишна родилка која престојувала во Германија и немала контролирана бременост. Првиот преглед го направила откако се вратила во Македонија, во 7-от месец од бременоста, а потоа кај приватен гинеколог и било утврдено дека има вишок на плодова вода, и била пратена во клиничката болница. По направените прегледи интервенирано е со царски рез при што бебето било родено мртво, без знаци на живот и без срцева акција.
Александра Максимовска