Силно невреме го погоди Балканот

Граѓаните бараа засолниште откако силно невреме го погоди Белград, проследено со ветер и дожд. Многумина се повредени.

Пријавени се напукнати дрвја, паднати тули и откорнати покриви. Делови од градот останаа без струја. Аеродромот Сурчин беше привремено затворен.

Од погодените области се евакуирани18 лица. Екипи од изутрината расчистуваат лисја и гранки од улиците на Белград, Лозница и Ниш.

Најмалку пет лица загинаа во Хрватска, Босна и Словенија.

Американски турист опиша дека видел човек убиен од паднато дрво во Словенија.

„Беше лудо, имаше многу дрвја што паднаа и едно лице, дефинитивно беше возрасен, беше под дрвото таму. Таму беше неколку часа кога конечно дојде судскиот вештак четири часа подоцна и го одведоа. Не знам дали беше маж или жена, но дефинитивно беше возрасен. Хаос е таму долу“, рече туристка од Калифорнија.

Невреме со дожд и силен ветер претходно го погоди Загреб. Две лица загинаа, а повеќе беа повредени. Итната помош примила над 700 повици, додека само пожарникарите имале 50 интервенции.

Градскиот превоз бил запрен, а имало и проблеми со електричната енергија. Најголема штета има кај високите шуми.

Невремето беше второ во два дена што го зафати регионот по низата екстремно топли и сушни денови.

Во Грција пак, пожарникарите успеаја да го стават под контрола пожарот што се ширеше во западниот дел на Атика. Во близина на Атина има материјална штета. И денеска има интервенции со авиони и хеликоптери. Пожарот на островот Родос сè уште е активен. Според властите, изгореле 3.000 хектари. На Пелопонез е уапсено едно лице кое признало дека подметнало три пожари, Грција добива и меѓународна помош.

Марина Ристова