Над 40 жртви во БиХ, критично во Хрватска

Во Босна и Хрецеговина е прогласен  ден на жалост. Претседателството закажана вонредна седница. Досега се евакуирани над 950 луѓе, 40 се загинати, но голем е бројот на исчезнати. Многу градови и села немаат стурја и храна, над 3.000 свлечишта се закануваат дека ќе збришат цели села.

 

Состојбата во Добој е надвор од контрола, се закануват заразни болести. Мостот кој се урна во близина на  Вишеград отсече неколку села. Граѓаните апелираат за помош. Војската почна да ги санира штетите.

 

 

Алармантна е состојбата и во Хрватска, иако нивото на водата на реката Сава почнува да се намалува. Во Рајево село е лоцирана втората жртва од поплавите. Спасувачките екипите се на терен и ја контролираат состојбата со насипите кои одвај го издржуваат притисокот на водата. Доброволци од целата земја доаѓаат во загрозените подрачја да го спасат населението.

 

 

Во моментот најзагрозен е состојбата во Дреновци. Војската и жителите цела ноќ поставувале вреќи со песок за да ја спречат водата која надоаѓа. Железничкиот сообраќај е во прекин. Во некои делови продолжува евакуацијата на населението. Од целиот свет пристигнуваа помош, но според проценките на аналитичарите на земјите ќе им бидат потребни неколку години за да ги санираат штетите.