Министерот Николовски во работна посета на Република Словенија

Денеска и утре, министерот за земјоделство, шумарство и водостопанство, Љупчо Николовски заедно со делегација на МЗШВ, ќе биде во работна посета на Република Словенија.

Во рамки на посетата министерот Николовски ќе одржи билатерална средба со министерката за земјоделство, шумарство и храна на Република Словенија, Ирена Шинко и министерката за дигитална трансформација, Емилија Стојменова Дух.

Министерот Николовски ќе изврши посета на повеќе фарми и средби со млади земјоделци од Словенија, за рамена и стекнување на нови искуства во делот за поголема поддршка и мотивација на младите земјоделци.