Невреме во Хрватска, се очекува и во Србија

Хрватска одново е погодена од силно невреме. Изобилни врнежи од дожд проследени со силен ветар и грмотевици го зафатија регионот на Риека.

Голем број улици се под вода. Слична е состојбата и во Загреб. Државниот хидрометеоролошки завод предупреди дека невремето се поместува од запад кон исток.

Српскиот Републички хидрометеоролошки завод издаде предупредување за временски непогоди. Невреме се очекува денеска и утре во неколку региони.