МВР: 322 сообраќајни прекршоци во Скопје

Секторот за внатрешни работи Скопје во текот на вчерашниот ден продолжи со контролите во областа на сообраќајот.

На територија на град Скопје изречени се вкупно 322 мерки, меѓу кои за возење повеќе од дозволената брзина 96 санкции, девет мерки за возење без возачка дозвола, 29 санкции за прекршоци што ги прават пешаците, 28 мерки за прекршоци што ги прават возачите на мотоцикл.

Изречени се пет мерки за користење мобилен телефон при возење, четири санкции за возење под дејство на алкохол, пет мерки за некористење сигурносен појас, соопштуваат од МВР.