Две лица загинаа во невремето што го зафати источниот дел на САД

Невреме го зафати источниот дел на САД. Најмалку две лица загинаа. Маж во Алабама починал откако во него удрил гром, а тинејџер загинал од паѓање на дрво во Јужна Каролина.

Илјадници летови беа откажани или одложени поради невремето што го зафати прометниот коридор што ги поврзува градовите Атланта, Вашингтон и Њујорк Сити.

Изобилните врнежи предизвикаа поплави во Балтимор и други области во Мериленд. Неколку луѓе во Пенсилванија и Вирџинија останаа заробени во домовите, откако врз покривите од нивните домови паднаа дрвја.