Струмичките пензионери повторно протестираа против процентуалното зголемување на пензиите
Струмичките пензионери повторно излегоа на протест бараат линеарно зголемување на пензиите бидејќи најголемиот дел од лицата примаат минимални пензии. Според нив со сегашните примања едвај врзуваат крај со крај а трошоците на живот се зголемуваат. Од Министерството за труд и социјална политика соопштија дека законската регулатива не дозволува линеарно зголемување на пензиите …
Струмичките пензионери по третпат излегоа на протест овој пат пред општинската зграда за да го пренесат барањето дека не се согласуваат со зголемување на пензиите за 6% во септември. Тврдат дека лицата со ниски пензии ќе бидат најоштетени наспроти пензионерите чии пензии се високи.
Пензионерите бараат зголемување на пензиите согласно растот на животните трошоци.
Линеарно усогласување на пензиите не предвидува законската регулатива тврдат од МТСП од каде соопштија дека предлозите се на маса и се дискутира за нови мерки и пакети кои ќе осигурат достоинствен живот на пензионерите. Во земјава има околу 330 илјади пензионери од кои околу 25 отсто се со најниски пензии.
Ване Трајков