На граничните премини нема подолги задржувања
Интензитетот на сообраќај на патните правци надвор од градските средини е зголемен. Како што информираат од АМСМ, на граничните премини, од македонска страна, нема подолги задржувања за влез и за излез од државата.
Сообраќајот на државните патишта се одвива непречено по суви коловози. Интензитетот на сообраќај на патните правци надвор од градските средини е зголемен. Како што информираат од АМСМ, на граничните премини, од македонска страна, нема подолги задржувања за влез и за излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Поради асфалтирање на регионалниот пат Р1102 Велес – Градско, до 19 август делницата ќе биде затворена за сообраќај во периодот од 08:00 – 18:00 часот.