Иванов ќе одржи предавање на универзитетот „Федерико Втори“ во Неапол

Претседателот Ѓорге Иванов денеска ќе го посети Универзитетот „Федерико Втори“ во Неапол, каде ќе одржи предавање на тема „Од Taurisius до Constantinopolis – од Corpus luvris Civilis до меѓународно право“.

Во тек на посетата на Универзитот ќе биде потпишан меморандум за разбирање помеѓу Правниот факултет „Јустинијан Први“ при Универзитетот „Свети Кирил и Методиј“ во Скопје и Универзитетот „Федерико Втори“ во Неапол.

Универзитетот од Неапол, кој е основан во 1224 година е светски позната високо-образовна институција. Од надалеку познатите историски личности кои биле студенти како Св. Тома Аквински и Џордано Бруно, се до неколку италијански претседатели, меѓу кои и утрешниот соговорник на македонскиот претседател, италијанскиот претседател Џорџо Наполитано.

На овој Универзитет пред 45 години се отвора и првиот лекторат по македонски јазик во светот.