Спасовски: Досега речиси еден милион граѓани ги смениле личните документи
Со нови мерки, наскоро ќе се релаксира системот за издавање на новите лични документи, информира министерот за внатрешни Спасовски. Вели, досега речиси еден милион граѓани ги смениле документите. Тврди дека нема да има казни за граѓаните кои нема навреме да ги извадат документите...
Динамиката за издавање на новите лични документи е добра, а наскоро ќе се релаксира системот и со нови мерки, информира министерот за внатрешни работи Оливер Спасовски. Додава дека досега речиси еден милион граѓани ги смениле документите. Тврди и дека ниту еден граѓанин нема да биде казнет ниту пак ќе трпат неговите права, доколку во рокот до февруари следната година не извади документи со новото име на државата.
Македонската телевизија поразговара и со граѓаните во главниот град и ги праша каков е нивниот став за законската обврска до февруари 2024-та година да ги сменат личните документи со нови, на свој трошок.
Од МВР информираат и дека фреквенцијата за вадење на лични документи е зголемена, исто како и во ланскиот летен период. Додаваат и дека ако се почитуваат термините и не се бара вадење на документите од денес за утре, сите ќе ги имаат навреме.
Марија Котовска