Средба на министерот Спасовски со новоизбраната директорката на Регионалниот Центар МАРРИ
Министерот за внатрешни работи Оливер Спасовски во Министерството за внатрешни работи оствари работна средба со м-р Снежана Трајановска, новоизбраната директорка на Регионалната иницијатива за миграција, азил и бегалци – Регионален Центар МАРРИ во Скопје...
Денеска, министерот за внатрешни работи Оливер Спасовски во Министерството за внатрешни работи оствари работна средба со м-р Снежана Трајановска, новоизбраната директорка на Регионалната иницијатива за миграција, азил и бегалци – Регионален Центар МАРРИ во Скопје.
На средбата министерот Спасовски упати честитки до директорката на МАРРИ, РЦ Скопје м-р Снежана Трајановска, посакувајќи и успех во работата на новата позиција и заеднички реализирани проекти. Од двете страни беше потврдена долгогодишната успешна соработка помеѓу Министерството за внатрешни работи и МАРРИ Регионалниот Центар во Скопје, а од страна на директорката Трајановска беше изразена благодарност до министерот за континуираната поддршката кон МАРРИ иницијативата и нејзината подготвеност за продолжување на соработката и во иднина.
Директорката на МАРРИ, РЦ Скопје, Трајановска на средбата ја искористи можноста да го брифира министерот Спасовски за тековните активности кои се одвиваат во рамки на МАРРИ и приоритетите кои се во план да се реализираат.
Министерот Спасовски изрази задоволство од тоа што Република Северна Македонија преку МАРРИ Регионалниот Центар прераснува во вистинска контакт точка за регионот на Западен Балкан, со уверување дека поддршката што Министерството за внатрешни работи му ја дава на овој Центар ќе продолжи и во иднина.