Сопственикот на „Вагнер“ Пригожин првпат во јавноста по бунтот против руската одбрана

Сопственикот на руската платеничка група „Вагнер“, Евгениј Пригожин го објави своето прво видео откако организираше краткотраен бунт против претставниците на одбраната во Русија. Според светските медиуми, видеото е снимено во Африка.

„Работиме. Температурата е 50 степени Целзиусови над нулата. Вагнер спроведува активности за извидување и пребарување, правејќи ја Русија уште поголема на сите континенти и ја прави Африка уште послободна. Правда и среќа за африканските луѓе. Ние го правиме животот кошмар за Ал Каеда, ИСИС и другите бандити“, изјави Евгениј Пригожин, сопственик на воената компанија „Вагнер“.

Платеничката група спроведува и воени вежби во Белорусија на границата со Полска. Варшава веќе ја засили безбедноста на границата со дополнителна војска и опрема. Литванија пак, затвори два гранични премина со Белорусија поради геополитичките случувања. Претходно, амбасадата на САД во Минск ги повика американските државјани да ја напуштат Белорусија.