Димитриевски повторно со „чиста мрежа“

Столе Димитриевски, македонскиот репрезентативен голман, не прими гол и на вториот натпревар од новата сезона во шпанската Ла Лига.

Тимот на Димитриевски, Рајо Ваљекано, синоќа забележа победа со 2:0 на гостувањето кај Гранада, а Димитриевски имаше неколку добри одбрани.

По две кола во шпанското фудбалско првенство Рајо Ваљекано со Барселона се единствените екипи чии голмани не беа совладани.