Суарез се повреди, неизвесен за СП!?

Фудбалската федерација на Уругвај објави дека настапот на Луис Суарез на Светското првенство во Бразил е неизвесен. Фудбалерот на Ливерпул, кој беше најдобрар стрелец во Премиер лигата во мината сезон,а го повреди коленото, по што ќе мора да се оперира.

„Почувствува проблем, а лекарскиот тим на селекцијата препорача операција“ , се вели во соопштението од уругвајскиот табор. Се претпоставува дека на Суарез ќе му бидат потребни 15 до 20 дена за да се опорави, а првиот натпревар на Уругвај на Мундијалот е за 23 дена против Костарика.

Доколку не успее да се подготви за мечевите во групната фаза, тоа ќе биде голем хендикеп за уругвајскиот национален состав, но и голема несреќа за Суарез кој никогаш не криеше колку многу му значи играњето на светско првенство.