Украинската амбасада го одбележува Денот на Независноста на Украина

Амбасадата на Украина и Здружението на Украинците „Лесја Украинка“, денеска организираат настан посветен на Денот на Независноста на Украина, кој ќе се одржи во центарот на Скопје.

Согласно програмата, настанот ќе започне со симболичен марш од споменикот „Тарас Шевченко“ во Парк „Жена борец“ до „Алеја на Украина“, каде ќе биде изведена Националната химна на Украина, по што ќе се обратат амбасадорката на Украина, Лариса Дир, градоначалникот на Општина Центар во Скопје, Горан Герасимовски и претседателот на Здружението на Украинците „Лесја Украинка“, Олександр Урбанович.

По повод Денот на независноста ќе биде претставена изложбата „ДЕЦА НА ВОЈНАТА“, која се состои од цртежи од украински деца, соопштуваат од Украинската амбасада.