Од септември Штип ќе има јавен градски превоз
Откако пропаднаа неколку тендери за избор на компанија за вршење јавен превоз во Штип, Општината набави шест автобуси со кои од септември градскиот превоз ќе го врши Јавното претпријатие „Стипион“. Штип за прв пат добива јавен превоз кој за почеток ќе сообраќа до приградските населби и три села во Општина Карбинци...
Од септември Штип ќе има јавен градски превоз. Општината набави шест еколошки економични автобуси кои за почеток ќе возат на шест линии, а превозот ќе го врши Јавното претпријатие „Стипион“
За градската власт јавниот превоз е едно од решенијата за намалување на сообраќајниот метеж, а за граѓаните, посебно од подалечните населби и селата, значи голема заштеда.
Јавниот превоз ќе сообраќа до пет приградски населби во Штип и до три села во соседната Општина Карбинци.
Славица Величковска