Променливо облачно и нестабилно со пороен дожд

Во Македонија времето денеска ќе биде променливо облачно и нестабилно со пороен дожд, грмежи и засилен ветер. Од УХМР информираат дека локално во попладневните часови процесите ќе бидат поинтензивни во форма на невреме со пообилен пороен дожд за кратко време, поинтензивни електрични празнења, силен ветер и појава на град. Дневната температура ќе се намали за пет до осум степени.

Во Скопје времето ќе биде променливо облачно, од пладне нестабилно со пороен дожд, грмежи и засилен ветер. Во делови од котлината ќе има поинтензивни процеси во форма на невреме.