Почна бербата на пиперката за ајвар, се чекаат откупни цени
Почна бербата на кривогаштанската пиперка капија, една од најквалитетните за ајвар. Кривогаштанци со фестивал го прославија едно од најдоходовните производства од регионот. Се чека да се формира откупната цена. Се очекуваат преку 50 денари за килограм. Климатските промени го намалуваат производството…
Почна бербата на кривогаштанската капија за ајвар. Производителите во исчекување на добра откупна цена, преку 50 денари за килограм. Кривогаштанската пиперка е една од најквалитетните, преработувачите имаат извоз секаде во светот.
Климатските промени и иселувањето влијаат на количествата. Годинава се намалени за 30 насто.
Дури 97 насто од населението во регионот се занимава со земјоделско производство кое е главниот двигател на стопанството.
Според преработувачката индустрија, од извоз на конзервирани производи во земјава лани е остварен девизен прилив од 80 милиони евра. И граѓаните и производителите чекаат – колку ќе ги чини ајварот годинава?!
Елизабета Митреска