„Регата“ во чест на сесловенските просветители „Св. Кирил и Методиј“

Регатата која е симбол на сесловенскиот дух се организира по четврти пат а стартот е од единствениот град во регионот  домаќин на две регати.

Со кајаци и кануа од Велес до Солун четири дена шеесетина кајакари од Австрија, Србија, Бугарија, Германија и Македонија  ќе пловат по реката Варадр во чест на сесловенските просветители браќата Кирил и Методиј.

„Регатата“ ќе се вози во четири етапи. Првата е до Стоби, втората етапа е Демир Капија, третата е Гевгелија и на четвртата во недела се пристигнува во Солун“, рече  Александар Коцев организатор на регатата.

Целта на оваа меѓународна спортска регата е да се промовира најдолгата река во Македонија, транзитниот туризам и кајакот како спорт.

„По вторпат сум на оваа регата, минатат година бевме четворица учесници сега сме тринаесе. Вардар е возбудлива река, со многу брзаци, клисурата кај Демер Капија е  посебно интересна траса и затоа се радувам што и годинава сум дел од овој настан“, рече Јанис Канделка од Австрија,учесник на регатата.

„Сум пловела по Дунав но за Вардар многу имам слушано, на интернет гледав  делови од оваа регата и еве  сега сунм тука нестрплива да запловам по реката“,рече Ерика   Канделка од Астрија ,учесник на регатата

Регатата посветена на сесловенските просветители Кирил и Методиј  е традиционална и влезена е со календарот на светските регати.

Дијана Иванова