„Идалија“ со силни ветрови се заканува на Флорида

Силните ветрови со над 170 километри на час кои со себе ги донесе ураганот „Идалија“ веќе ги тресе градовите во западна Флорида. На удар Форт Мајерс и Тампа. Наредена е евакуација на жителите во крајбрежните области. Бурата која се засили во топлите води на мексиканскиот залив се заканува да предизвика смртоносни бранови и врнежи од дожд.

„Последното ажурирање од Националниот центар за урагани покажува поместување на запад што значи, ударот ќе биде посеверно и ќе донесе подиректни влијанија во окрузите како Леон, Џеферсон и Вакула“, изјави Рон де Сантис, гувернер на Флорида.

Граѓаните и војската со последни подготовки. Последиците можат да бидат голем удар за државата која сè уште се справува со долготрајните штети од минатогодишниот ураган „Иан“.