Пјонгјанг истрела неколку крстосувачки ракети

Северна Кореја истрела неколку крстосувачки ракети во правец на Жолто Море. Од здружениот штаб на Јужна Кореја во Сеул соопштија дека и натаму се во состојба на готовност и внимателно ги следат активностите на северниот сосед.

Сеул и Вашингтон вчера ги завршија големите годишни воени маневри во регионот, кои според Пјонгјанг, се подготовка за напад.

Резолуциите на ОН и забрануваат на изолираната Северна Кореја да лансира и тестира балистички ракети со каков било дострел.