Клинсман не го сака Донован!

Омилениот американски репрезентатвиец Лендон Донован ќе нема можност по  четвртипат да игра на Светско првенство. Селекторот на САД, Јирген Клисман го изостави играчот на Лос Анџелес од списокот од 23-та фудбалери што ќе настапат на мундијалот во Бразил.

„Едноставно, гледам некои други фудбалери пред него. Тој знае дека кон него имам голем респект, но морав да донесам одлука. Неговата кариера е одлична, но во фудбалот е важно колку можете да направите денес или утре“, категоричен беше Клинсман.

Сепак, американските медиуми пишуваат дека причините се подлабоки и дека Клинсман не му ја заборавил 2012-та кога Донован направи четиримисечна репрезентативна пауза и отиде на одмор во Камбоџа.

„Беше чест и привилегија да се игра за репрезентацијата на својата земја на три Светски првенства. Разочаран сум затоа што се радував на мечевите во Бразил. И покрај се ќе навивам за соиграчите и и натаму ќе бидам посветен на развојот на фудбалот во САД“, изјави Донован кој за репрезентацијата одигра 156 натпревари и постигна 57 голови.

Покрај Донован за место во мундијалскиот состав на САД не се изборија ниту Бред Еванс, Теренс Бојд, Џое Корона, Маурис Еду, Кларенс Гудсон и Мајк Паркхртс.