ВМРО-ДПМНЕ: И покрај постоење на соодветен систем за терапија на болните од рак, Владата на СДС и ДУИ дозволи да умираат луѓе

Со скандалот со Онкологија најбрутално се погазени човековите права. Злоупотребата на цитостатици и терапија на клиниката за Онкологија е криминал со смртни последици. Злоупотребата е злосторничко здружување за кражба на лекови од пациенти со канцер за продажба на црно, соопштуваат од опозициската ВМРО-ДПМНЕ.

Ваквите активности се речиси невозможни без политичка поддршка. Сето ова се случува во ситуација кога Клиниката за онкологија од 2017 година има КАТО систем за контрола на терапиите кој не се користи. Истиот тој систем е исклучен со доаѓањето на СДС и ДУИ на власт и поставувањето на Арбен Таравари за министер за здравство. И наместо одговор од Таравари, молк што се случило со системот. Актуелниот министер Фатмир Меџити со објаснување од типот „системот не е во подрум, туку заклучен во соба“! И покрај фактот што одамна, или уште пред две години се предупредуваше за вакви случувања на Онколигија, злосторничко здружување сè уште опстојува и владее со Клиниката за онкологија, велат од партијата.

Предупредувања од многустрани, поплаки од пациенти, документ со низа на неправилности за работата на Онкологија од Државната ревизија и никаков резултатот. Системот на крадење на терапијата за болните од рак функционира. Тоа говори за политичка заштита на актерите во овој криминален систем.

Оставките се прв чекор којшто би гарантирал истрага и соодветна постапка без да се влијае врз неа од позиција на моќ и власт! - се вели во соопштението од ВМРО-ДПМНЕ.