Попладне ќе почне почесна артилериска средба по повод Денот на независноста

По повод 32-годишнината од Денот на независноста, Армијата ќе почне со одбележувањето на празникот со почесен плотун од артилериски орудија. Во касарната „Илинден“ во Скопје попладне во 18 часот ќе се изврши почесна артилериска стрелба со истрелување на 10 плотуни од шест артилериски орудија од состав на артилерискиот баталјон на армијата.

Претходно во период од 15 до 18 часот ќе биде извршена пробна артилериска стрелба со еден плотун од артилериските орудија.