Цивилис: Граѓаните со став – името да не се менува по ниедна цена
Македонците сакаат во европското семејство, но, под уставното име.
Вака одговориле 77 насто од испитаниците во најновото истражување на институтот за демократија. Според половина од анкетираните , патот на земјава кон Европската Унија го попречуваат соседите, додека за 48 насто од албанците, тоа се неостварените домашни реформи. Во изминатите години за 20 насто е намален бројот на граѓани кои ја подржуваат идејата за евроинтеграција. Владимир Мисев од институтот за демократија проблемот го гледа во статус во ситуацијата и блокадата од Грција.
“Тоа доведува до определно разочарување, таквата статус кво ситуација, за многу релевантни аналитичари претставува и одреден регрес во евроатланската интеграција на државата“, вели Владимир Мисев
Граѓаните кои ги анкетиравме со став – името да не се менува по ниедна цена.
„ Името да се смени не доаѓа во обѕир, а сум за членство во ЕУ и НАТО... Македонија си е Македонија, како може друго име да имаме... Никако, во никој случај... многу работи не требаше да се вакви, но, тоа е...“ велат граѓаните
Цел на истражувањето е и корупцијата во општинската администрација. Анкетата била спроведена во март годинава, а теренски биле испитани 1600 лица.