Будно се следи случајот со Клиниката за онкологија, уверува Ковачевски
Премиерот Ковачевски рече дека будно ќе се следи случајот на Клиниката за онкологија, со цел да излезе на виделина што навистина се случувало и кој работел незаконски. Истакна дека протоколите се сменети, секој пациент ја добива терапијата согласно неговата дијагноза…
Моето внимание 100% е насочено кон разрешување на случајот на Клиниката за онкологија, истакна премиерот Ковачевски. Надлежните органи ја имаат сета поддршка да го разрешат случајот законот.
Ковачевски истакна откако е поставена новата директорка на клиниката многу работи се ставени во ред. Министерот досега не добил никаква поплака од пациенти за лекување на онкологија.
Од ВМРО-ДПМНЕ велат – гајле ѝ на Владата за пациентите, гледаат да се спасат од одговорност, а одговорни се сите до еден.
КАТО системот ги чува цитостатиците, ги дозира онколошките терапии за секој пациент посебно, без шанса да се манипулира со дозите и терапиите, секој цитостатик го искористува до максимум и подготвен останува во фрижидерот стабилен за употреба дури до 28 дена, велат лекарите. Дозирањето е прецизно и безбедно, без загуби, без токсични труења на медицинскиот персонал.
Пред една недела Јавното обвинителство и МВР почнаа истрага на Клиниката за онкологија со цел да проверат дали се крадела и препродавала терапија и како биле лекувани пациентите. Двајца обвинители работат на овој случај кој е во предистражна постапка.
Наташа Јанчиќ Менковски