Хајаши на средба со Кулеба во Киев

Јапонскиот министер за надворешни работи Хајаши оствари средба со украинскиот министер за надворешни работи Кулеба. Хајаши претходно беше на турнеја по Блискиот Исток и Полска. Ова е негова прва посета на Украина од почетокот на војната. Јапонија донираше над 7 милијарди долари на Украина, главно за хуманитарна помош и воена опрема ограничена на несмртоносно оружје поради законските ограничувања според јапонскиот пацифистички устав.

„Јапонија веќе почнува да се подготвува да учествува во повоената реконструкција на Украина и ги повикуваме другите да го следат примерот на Јапонија“, изјави Дмитро Кулеба, министер за надворешни работи на Украина.

„Минатата година, рускиот напад на енергетската инфраструктура принуди многу украинци да живеат без струја или греење. Во овој контекст, од најголема важност е да се подготвиме за оваа зима“, Јошимаса Хајаши, министер за надворешни работи на Јапонија.