Мерките за вработување активно се искористуваат во Чешиново- Облешево
Во општина Чешиново-Облешево се отворени 15 фирми со искористување на мерките што ги нуди агенцијата за вработување. За дополнително намалување на невработеноста, агенцијата за вработување во ова општина отвора и своја канцеларија...
Најмалку 50 жители од општината Чешиново Облешево за една година го променија статусот од невработени во вработени, благодарение на активните мерки за вработување што ги нуди државата:
„Отворивме 15 фирми со мерката за самовработување со неповратни средства, исто толку фирми со самовработување со кредитирање, а неколку фирми се отворија и со мерката субвенционирано вработување“ , изјави Звонимир Паунов, директор на Агенција за вработување Чешиново – Облешево.
Какви се ефектите од дел од мерките на ниво на држава?
„На глобално ниво во република Македониија досега се искористени неповратни грантови за отворање на 5.803 бизниси, тука е и проектот самовработување со кредитирање во чии рамки се регистрираа околу 1.250 зејоделци“, потенцира Влатко Поповски, директор на Агенција за вработување на РМ.
Во обид, бројот на невработени да го намали, а искористеноста на мерките да ја зголеми, државата отвора канцеларија на агенцијата и во Чешиново – Облешево, каде работа чекаат 400 невработени.
„Ова е голем бенефит за граѓаните. Ги подобруваме условите и даваме поголеми можности за запознавање со понудите на Агенцијата за вработување, смета Костадин Личков, градоначалник на Чешиново – Облешево.
Инаку, во моментов во 11 општини од Источниот регион работа активно бараат 11.700 лица. Во овој период во тек се конкурси за 8 активни мерки за вработување кои се однесуваат и на невработените и на работодавачите.
Оливера Жежова