Награда за претставата „Лепа Вида“ на Марјан Неќак во Ниш

На годинашното издание на фестивалот во Ниш, Србија, „Театар на крстопат“, претставата „Лепа Вида“ ја доби наградата за најдобра сценска музика. Претставата е во изведба на Националното гледалиште од Копер и Словенечкото постојано гледалиште од Трст. Марјан Неќак е режисер, композитор и сценограф на претставата.

Образложението на жирито е дека со вешто комбинирање и свирење музика, инструменти и вокал, авторот не води низ емоциите и атмосферата што ја дефинираат целата претстава.

Драматург е Сташа Прах, кореограф Клемен Јанежиќ, костимограф Јелена Проковиќ, автор на видеопроекцијата Марин Лукановиќ, светло Марјан Неќак, Вид Принчиќ и Амар Феризовиќ. Во претставата играат Ања Дрновшек, Рок Матек, Данијел Малалан и Блаж Поповски.

Митот за Лепа Вида е од посебно значење за словенечкиот национален идентитет и крие одредени особини и судбоносни пресврти карактеристични за нашата колективна свест и нашата душа.